Ол Еуропа елдері оқ-дәрі мен қару-жарақ жеткізе алмағанын айтты
Фото: Euronews
Украинаның НАТО бойынша одақтастары берген уәделерін орындаған жоқ. Бұл туралы ұйымның бас хатшысы Йенс Столтенберг мәлім етті. Ресей Одессаға шабуыл жасап, кемінде 5 адам қаза тауып, 30 шақты адам жараланды. Бұл туралы Sarbaz.kz тілшісі Euronews агенттігіне сілтеме жасап хабарлайды.
НАТО-ның бас хатшысы бұл пікірін Киевке сапары кезінде айтты. Оның айтуынша, нәтижесінде Ресей әскері майданда басымдыққа ие болды.
Ол АҚШ-қа Украинаға әскери көмек көрсету пакетін келісу үшін алты ай қажет болғанын және еуропалық одақтастардың жарияланғандай көп оқ-дәрі мен қару-жарақ жеткізе алмағанын атап өтті. Дегенмен, Йенс Столтенберг қазір бәрі өзгереді деп есептейді. НАТО үшін басымдық Киевке америкалық Patriot әуе қорғаныс жүйелерін жеткізу болып саналады, деді ол.
«Украинада бірнеше ай бойы қару-жарақ жетіспеді және оқ-дәрілерді үнемдеуге мәжбүр. Бұл аз ғана ресейлік зымырандар мен ұшқышсыз ұшақтардың атып түсірілгенін және Ресейдің майданда алға жылжығанын білдіреді. Бірақ әлі де кеш емес, Украина әлі де жеңіске жете алады», - деді Йенс Столтенберг.
Агенттік мәліметінше, Мәскеуде Украинадағы соғыс кезінде қолға түскен Батыстың әскери техникасын көрсететін көрменің ашылуына дайындалып жатыр.