Германияда бүгінге дейін бірнеше украиналық түрлі қылмыстан қаза болған
Фото: BBC
Украинаның сыртқы істер министрлігі сенбі күні Германияда пышақ жарақатынан қаза тапқан екі азаматы Қарулы Күштердің реабилитациядан өтіп жатқан әскери қызметкері екенін растады. Оларды өлтірді деген күдікпен Ресей азаматы қамауға алынды. Бұл туралы Sarbaz.kz тілшісі BBC агенттігіне сілтеме жасап хабарлайды.
Бавария полициясының хабарлауынша, сенбі күні Мурнау-ам-Штаффельзеедегі сауда орталығында екі Украина азаматы пышақталып өлтірілгені анықталды.
36 жастағы ер адам алған ауыр жарақатынан оқиға орнында қайтыс болды, екінші жәбірленуші 23 жастағы украиналық кешке таман жақын маңдағы ауруханада қайтыс болды. Полицияның хабарлауынша, қаза тапқандар Гармиш-Партенкирхен аймағында тұратын.
Оларды өлтірді деген күдікпен аты-жөні жарияланбаған 57 жастағы Ресей азаматы қамауға алынды. Ер адамның бастапқыда қашып кеткені айтылғанымен, кейін сот оны ұстап, қамауға алды.
Бұқаралық ақпарат құралдарының хабарлауынша, билік кісі өлтіру себебін әлі анықтаған жоқ, сонымен қатар өлтірілгендердің күдіктіні таныған-танымағаны да белгісіз.
«Прокуратура мен криминалдық полиция қылмыстың мән-жайы мен себебін анықтауды жалғастыруда. Әзірге қосымша ақпарат бере алмаймыз», - делінген полиция хабарламасында.
Украинаның сыртқы істер министрлігі өз сайтында «Алдын ала мәліметтер бойынша, қайтыс болған азаматтар Германияда медициналық оңалтудан өтіп жатқан әскери қызметкерлер» деген хабарлама жариялады.
«Украина консулдары марқұмның қызмет еткен бөлімшелері туралы ақпаратты нақтылап, жақындарымен байланыс орнатып жатыр», - деп жазады Украина СІМ.
Украинаның сыртқы істер министрі Дмитрий Кулеба бұл істі ерекше бақылауда ұстауды тапсырды, деп хабарлайды СІМ.
Бұл украиналық қаза болған Германиядағы алғашқы қылмыс емес.
2024 жылдың ақпанында 17 жастағы украиналық баскетболшы Владимир Ермаков Оберхаузен қаласында пышақ жарақатынан қаза болды. Оның досы Артем Козаченко жансақтау бөлімінде көз жұмды.
Украиналықтар автобуста жасөспірімдермен жанжалдасып қалған. Содан кейін билік Гельзенкирхеннен келген түрік текті 15 жастағы неміс оқушысын ұстады, ол бұған дейін де бірнеше рет тонау бойынша қылмыстық жауапкершілікке тартылған.
Сол сияқты 2024 жылдың наурыз айында 27 жастағы Маргарита Стеценко мен оның 51 жастағы анасы Марина Стеценко Хоккенхаймдағы Баден-Вюртембергте өлі күйінде табылды. Маргаританың бір жарым айлық қызы Миа 43 жастағы ресейлік әйел мен 44 жастағы неміс азаматының үйінен табылды. Олар кісі өлтірді деген күдікке ілінген.