Олар Чехия азаматтарын 140 мың долларға отырғызып кетті
Фото: Украинаның ұлттық полициясы
Одессада Чехия азаматтарына бағытталған байланыс орталығын құрғаны үшін тоғыз Украина азаматы қамауға алынды. Бұл туралы Украинаның ұлттық полициясы мәлімдеді, деп хабарлайды Sarbaz.kz.
Алаяқтықты 40 жастағы украиналық ұйымдастырған. Оның қарамағында екі украиналық пен алты чехиялық жұмыс істеген.
Қылмыскерлер Чехия азаматтарына өздерін банк қызметін реттеуші мемлекеттік органның қызметкерлері ретінде таныстырып, жалған нөмірлер арқылы қоңырау шалған. Олар телефондарына немесе компьютерлеріне қашықтан қол жеткізу үшін түрлі айла-шарғылар арқылы несие картасының мәліметтерін алып, ақша аударатынын айтып алдап кетті. Бірнеше жағдайда олар жәбірленушілерді қолма-қол ақшаны алуға және оны «қауіпсіз жерге» жеткізетін жалған курьерге беруге сендірген.
Осылайша, олар Чехияның кем дегенде он алты тұрғынын 5,5 миллион гривеннен астам сомаға, шамамен 140 мың долларға алдап үлгерді.
Айта кетейік, Украинадан келген телефон алаяқтарының шабуылдары соңғы жылдары кең етек алған. Украиналық алаяқтар Ресей мен Беларуське жиі шабуылдайды.