АШМ өкілі өлген ауыл шаруашылығы жануарларының құнын өтеу алгоритмін түсіндірді
Фото: ҚР АШМ
Ауыл шаруашылығы министрлігінің ресми өкілі Олжас Тілебалдин атап өткендей, су тасқыны салдарынан өлген ауыл шаруашылығы жануарларының барлық иелері өтемақы алуға құқылы. Ведомство өкілі өлген малдың өтемақысын алу жолын түсіндіріп берді, деп хабарлайды Sarbaz.kz.
Оның айтуынша, меншік иесі жануардың бірдейлендіру номерін ауыл шаруашылығы жануарларын бірдейлендіру дерекқорымен салыстыру жолымен; тіркелмеген жағдайда куәгерлерді тарта отырып, залалды өтеу жөніндегі комиссияның актісімен анықталады.
«Барлық өтінімдерді жергілікті әкімдіктер құрған ресми Комиссияларға ғана беру қажеттігіне назар аударғым келеді. Тек бұл жағдайда ғана өтемақы төленеді. Деректер жинаумен айналысатын әртүрлі штабтарға ұсынылған ақпарат төлемдер үшін негіз болып табылмайды. Су тасқыны кезінде ауыл шаруашылығы саласы бойынша қосымша сұрақтар туындаған жағдайда, ҚР АШМ жанындағы «жедел желі» жұмыс істейтінін хабарлаймын. Жедел желі жұмысы 9.00-ден 18.30-ға дейін (7172) 57 33 58, 87470943381 нөмірлері бойынша істейді. Сонымен қатар, телеграмм-бот pavodki_kz_bot іске қосылды», - деді ресми өкіл ОКҚ алаңында өткен брифингте.
Олжас Тілебалдиннің айтуынша, су басу аймақтарынан қауіпсіз учаскелерге 112,5 мың бас ауыл шаруашылығы жануары эвакуацияланды. Өлген мал басы бойынша деректер үнемі жаңартылып отырады, бүгінгі таңда 7 035 өлген мал басы анықталды, олардың басым бөлігі – ұсақ мал.