Мобилизациялауға жатпайтын санаттар да бар
Фото: Tengrinews.kz / Тұрар Қазанғапов
Украинаның Жоғарғы Радасы тұтқындарды мобилизациялауға рұқсат беруі мүмкін. Депутаттар бірінші оқылымда сотталғандарды әскери жағдай кезінде келісімшарт бойынша әскери борышын өтеу мүмкіндігін қарастыратын заң жобасын мақұлдады, деп хабарлайды Sarbaz.kz.
Сонымен бірге, Украинаның ұлттық қауіпсіздігінің негіздеріне қарсы қылмыстар, екі немесе одан да көп адамды қасақана өлтіру, сондай-ақ зорлау немесе сексуалдық зорлық-зомбылық жасағаны үшін бас бостандығынан айыру жазасына кесілген сотталғандарға шартты түрде мерзімінен бұрын босату мүмкіндігі қарастырылмайды.
«Қоғам темір тордың ар жағында отырғандардың бәрі қылмысқа қасақана бармағанынын түсінуі керек. Көптеген тұтқындар жол-көлік оқиғасы немесе қаржылық қылмыс салдарынан темір торға тоғытылды. Олардың көпшілігі Отанын қорғауға рұқсат сұрап жүздеген хаттар жазды, өйткені олардың жауынгерлік тәжірибесі бар», - деді Раданың мемлекеттік билікті ұйымдастыру, жергілікті өзін-өзі басқару, аймақтық даму және қала құрылысы комитетінің басшысы Елена Шуляк.
Заң жобасында әскери қызмет өткеруден шартты түрде мерзімінен бұрын босату туралы шешімді сот қабылдайтыны және мұндай босатулар әскери бөлімдердің мамандандырылған бөлімдеріне жеткізілгеннен кейін олар әкімшілік қадағалауға алынады деп болжанып отыр. Ал сотталғандардың әскери қызметтен жалтарғаны үшін жауапкершілік 5 жылдан 8 жылға дейінгі мерзімге бас бостандығынан айыру ретінде қарастырылған.
Сәуір айының басында Владимир Зеленский әскерге шақыру жасын 27-ден 25 жасқа дейін төмендететін мобилизация туралы заңға қол қойды.