Ауруханалардың бірі қирап қалды
Фото: Euronews
Ресей әскері Украинаның Одесса және Харьков облыстарына шабуыл жасады. Бірнеше адам қаза болды. Олардың арасында балалар да бар. Бұл туралы Sarbaz.kz тілшісі Euronews агенттігіне сілтеме жасап хабарлайды.
Кеше Харьков облысындағы ауылға ресейлік күштер шабуыл жасады. Салдарынан 14 жастағы қыз бала мен екі әйел опат болды. Жараланғандар бар.
Жергілікті биліктің мәліметінше, Харьковшинде басқарылатын бомба жергілікті аурухананы толығымен қиратты.
Өткен түнде Украинаның барлық аумағында әуе шабуылы туралы ескерту жарияланды. Ресей Қарулы Күштері Одесса облысына камикадзе ұшқышсыз ұшақтарымен шабуыл жасады. Төрт адам қаза болды. Оның ішінде 10 жастағы бала бар. Осылайша, соңғы 24 сағатта Украинадағы соғыс кезінде қаза тапқан 535 адамның тізіміне тағы екі адам қосылды, деп хабарлады Бас прокуратура.
Одесса мэрінің айтуынша, дәрігерлер жараланған төрт адамның өмірі үшін күресіп жатыр. Бесеуі орташа ауыр күйде ауруханаға жатқызылды. Тағы бес адам жеңіл жарақат алған.
«Укрминэнерго» агенттігінің хабарлауынша, Харьков, Запорожье және Львов облыстарындағы, сондай-ақ астаналық аудандағы энергетикалық инфрақұрылым нысандарына оқ жаудырған.