Соңғы кездері екі жақта да мұндай жиілеп кетті
Фото: Алексей Куденко / Sputnik
Армения мен Әзербайжан бір-бірін тағы да атқылады деп айыптап отыр, деп хабарлайды Sarbaz.kz.
Әзербайжан қорғаныс министрлігінің хабарлауынша, өткен дүйсенбі күні сағат 23.35-тен 23.45-ке дейін Армения қарулы күштері Садынлар, Хюсюлю, Малыбейли және Джагазур елді мекендері бағытында Әзербайжан армиясының позицияларына әртүрлі калибрлі атқыштар арқылы оқ жаудырған.
«Біздің бөлімшелер барлық осы бағыттар бойынша тиісті ден қою шараларын қабылдады», - деп хабарлады әскери ведомство.
Арменияның қорғаныс министрлігі бұл мәлімдеме «шындыққа сәйкес келмейді» деп мәлімдеді.
Сонымен бірге, республика қорғаныс министрлігі 8 сәуірде сағат 22.50-де Әзербайжан Қарулы Күштерінің бөлімшелері Аравус ауданында және 22.55-те Хознавар ауылы бағытында Армения армиясының позицияларына оқ жаудырғанын хабарлайды.
Айта кетейік, соңғы кездері екі жақта да осыған ұқсас мәлімдемелер жиілеп кетті.