Қазақстан бойынша тұман түсіп, жел күшейеді
Фото: Sputnik
«Қазгидромет» РМК 9 наурызға арналған ауа райы болжамын жариялады, деп хабарлайды Sarbaz.kz.
Кәсіпорын деректеріне қарағанда, еліміздің аумағының басым бөлігінде атмосфералық фронталды бөліктердің өтуіне орай күн құбылмалы болады, көбіне жаңбыр жауады.
«Республиканың солтүстік-батысында, солтүстігінде түнде қар аралас жаңбыр, күндіз жаңбыр жауады, облыстың оңтүстік-шығыс таулы аудандарында да жауын-шашын болжануда, кей уақыттарда қатты жауын-шашын (қар, жаңбыр) болады. Облыстың шығысында, оңтүстігінде, оңтүстік-шығысында қатты жаңбыр жауып, найзағай ойнайды. Тек еліміздің батысында, оңтүстік-батысында ғана күн жауын-шашынсыз болады», - делінген хабарламада.
Қазақстан бойынша тұман түсіп, жел күшейеді, елдің солтүстігінде көктайғақ болып, оңтүстігінде, оңтүстік-шығысында дауыл тұрады, бұршақ жауады.