Ұсталған азамат бұрын кісі өлтіргені үшін сотталып, радикалды діни идеологияны ұстанушы ретінде тіркелген
Фото: ҚР ҰҚК баспасөз қызметі
Ұлттық қауіпсіздік комитеті прокуратура қызметкерлерімен бірге Ақтауда терроризм жасауға дайындалған жергілікті тұрғынды ұстағанын мәлімдеді, деп хабарлайды Sarbaz.kz ҰҚК баспасөз қызметіне сілтеме жасап.
Күдікке ілінген азаматтың үйін тексеру барысында қауіп тудыратын элементтері бар жарылғыш құрылғыны дайындауға арналған заттай айғақтар табылған.
«Ұсталған азамат бұрын кісі өлтіргені үшін сотталып, радикалды діни идеологияны ұстанушы ретінде тіркелген. Оған қатысты Қылмыстық кодекстің 255-бабы 1-бөлігі бойынша сотқа дейінгі тергеп-тексеру жүргізіліп жатыр», - деді ҰҚК баспасөз қызметінен.
Әзірге құзырлы орында лаңкестік оқиғасын жасамақ болған Ақтау тұрғынына қатысты ақпараттарды таратқан жоқ. Бұған қатысты қылмыстық-процестік кодекстің 201-бабының 1-бөлігіне сәйкес, өзге ақпарат жария етуге жатпайтыны айтылып отыр.