Күдікті қолға түсті
Фото: Euronews
Американың Иллинойс штатындағы Рокфорд қаласында кем дегенде төрт адам пышақпен жасалған шабуылдың құрбаны болды. Бұл туралы Sarbaz.kz тілшісі Euronews агенттігіне сілтеме жасап хабарлайды.
Қаза тапқандардың арасында 15 жастағы жасөспірім қыз бала да бар. Тағы жеті адам жарақат алды. Олардың арасында жас келіншектің жағдайы ауыр.
Тәртіп сақшылары күдіктіні ұстады. Одан жауап алынып жатыр. Жергілікті полиция бастығының айтуынша, қазір құқық қорғау органдарында шабуылдың нақты себебі жоқ.
Билік қаза тапқандардың отбасыларына көңіл айтты. Рокфордта шамамен 150 000 адам тұрады. Ол Чикагодан солтүстік-батысқа қарай 150 шақырым жерде орналасқан.