Осыған дейін санкцияны АҚШ пен Ұлыбритания мақұлдаған
Фото: РИА Новости / Алексей Витвицкий
Еуропа Одағының сыртқы істер министрлері Иордан өзенінің батыс жағалауындағы палестиналықтарға жасалған шабуылға қатысқан еврей қоныстанушыларына санкциялар салатын болды, деп хабарлайды Sarbaz.kz тілшісі Reuters агенттігіне сілтеме жасап.
Иорданияның батыс жағалауындағы елді мекендер халықаралық құқық бойынша заңсыз және тұрақты бейбітшілікке жетудегі басты кедергі болып саналады.
Бұл шешім ЕО-ға мүше 27 елдің израильдік қоныстанушыларға санкциялар салуға келісім берген алғашқы жағдай болды. Осыған дейін оларды АҚШ пен Ұлыбритания мақұлдаған.
«Жұмыс деңгейінде ымыраға қолжеткізілді және жақын арада толықтай қабылданады деп үміттенемін, бірақ саяси келісім бар», - деді Брюссельдегі министрлер кездесуінен кейін ЕО сыртқы саясат басшысы Хосеп Баррель.
Дипломаттар санкцияға қатысты Венгрия ерекше қатаң ұстанымды ұстанғанын хабарлады. Алайда, кейінірек ойын өзгертті. Бұрын санкциялар туралы ұсыныстарды бұғаттаған елдер енді өз ұстанымдарын өзгерту туралы шешім қабылдады, деді Хосеп Баррель. Олардың қатарында Германия, Чехия және Австрия бар. Олардың шешіміне Израиль армиясының операциясы нәтижесінде Газа секторындағы жағдай әсер етті.
Саяси келісімді ЕО елдерінің Брюссельдегі елшілері әлі де бекітуі керек. Осыдан кейін ғана «қара тізімге» енген қоныстанушылардың жеке басы белгілі болады.
Айта кетейік, Еуроодақ ХАМАС-қа қатысты экономикалық санкцияның қосымша пакетін мақұлдады, ол бірінші болып күшіне енеді. Ары қарай, шектеулер қоныстанушыларға қатысты қолданыла бастайды.