Құтқарушылар жыл сайын 1000-нан астам адамды құтқарып қалады
Фото: ҚР ТЖМ
Астанада құтқарушыларға 15 қызметтік пәтердің кілті табыс етілді. Бұл туралы Sarbaz.kz ҚР ТЖМ баспасөз қызметіне сілтеме жасап хабарлайды.
Бір бөлмелі және екі бөлмелі пәтерлердегі жаңа қоныстанушылар арасында қатардағы қызметкерлер: елордалық Өрт сөндіру және авариялық-құтқару жұмыстары қызметінің өрт сөндірушілері, құтқарушылары мен бөлімше командирлері бар.
Сегіз бір бөлмелі және жеті екі бөлмелі пәтер Қабанбай батыр даңғылы бойындағы «TENGRI» және Е-36 көшесіндегі «Respublika» тұрғын үй кешендерінде орналасқан.
Жыл сайын елордалық Төтенше жағдайлар департаментінің бөлімшелері орта есеппен 4000 мыңнан астам жедел-құтқару шығулар жасайды, 600-ден астам өрт пен қызыл жалынды сөндіреді, 1000-нан астам адамның өмірін құтқарады және эвакуациялайды. 2023 жылы құтқарушылар 314 авариялық-құтқару жұмыстын жүргізді, 600-ден астам адам құтқарылды және эвакуацияланды.