Ол Байденнің шешіміне қатысты пікір білдірді
Фото: Sputnik / Рамиль Ситдиков
Ресей президенті Владимир Путин әскери-техникалық тұрғыдан алғанда ядролық соғысқа дайын екенін мәлімдеді. Бұл туралы Sarbaz.kz тілшісі РИА агенттігіне сілтеме жасап хабарлайды.
«Әскери-техникалық тұрғыдан алғанда, біз, әрине, дайынбыз. Олар үнемі бізбен бірге және үнемі жауынгерлік әзірлікте», - деді Путин.
Путин өз сөзінде Америка Құрама Штаттары Украинаға өз әскерін жібермейтіні туралы мәлімдегенін қозғап өтті. Оның айтуынша, Ресей АҚШ-тың мұндай әрекеті бола қалған жағдайда интервенция ретінде қабылдайтынын америкалық тарап жақсы түсінеді.
«Мен Байденнің дәстүрлі саяси мектептің өкілі екенін айттым және бұл расталды. Онда Байденнен бөлек ресейлік-америкалық қарым-қатынастар саласында және стратегиялық ұстамдылық саласында мамандар жеткілікті. Менің ойымша, мұндай жағдай бола қоймас, бірақ біз бұған дайынбыз», - деді Путин.