Ол Палестина мемлекетін құру мәселесін қозғады
Фото: TRT World
Израиль билігі палестиналықтардың Иерусалимдегі қасиетті жерлерге баруына тыйым салар болса, бұл ауыр зардаптарға әкелуі мүмкін. Бұл туралы Түркия президенті Режеп Тайып Ердоған Анкарада Палестина басшысы Махмуд Аббаспен кездесу қорытындысы бойынша мәлімдеді, деп хабарлайды Sarbaz.kz тілшісі TRT World телеарнасына сілтеме жасап.
Ердоған қасиетті Рамазан айы қарсаңында арандатушылықтың алдын алу үшін жұмыс істеу керек екенін айтты.
«Израиль саясаткерлерінің палестиналықтардың қасиетті жерлерге кіруіне шектеулер қою туралы өтініші – ақымақтық. Мұндай әрекеттердің салдары өте ауыр болады. Палестинаға қатысты ислам әлемінің үнсіздігіне жол берілмейді», - деді Түркия президенті.
Ердоған тағы да Израиль билігі Батыс елдерінің қолдауымен Газада әскери қылмыстар жасап жатқанын атап өтті, оны Түркия басшысы «геноцид» деп атады. Оның айтуынша, Израиль әскери күштері «әйелдер мен балаларды өлтіруді» тоқтатар емес.
Түркия басшысы бұл мәселені 1967 жылғы шекарада тәуелсіз Палестина мемлекетін құру арқылы шешуге болатынын атап өтті. Осыған байланысты Түркия Анкара ұсынған кепілдіктер аясында жауапкершілікті өз мойнына алуға дайын.
Өз кезегінде Палестина басшысы Махмуд Аббас Палестина халқына гуманитарлық көмек көрсеткені үшін Түркияға шын жүректен ризашылығын білдіріп, Палестинаны халықаралық қорғауды күшейтуге көңіл бөлу мәселесін қозғады.
Түркия мен Палестина басшыларының соңғы кездесуі өткен жылдың шілде айында өткен.