Астанада Қауіпсіздік кеңестері хатшылары комитетінің отырыстары өтеді
Фото: ҚР ОҚК
Астанада ҰҚШҰ Бас хатшысы Иманғали Тасмағамбетов Қазақстан Қауіпсіздік Кеңесінің Хатшысы Ғизат Нұрдәулетовпен және Қазақстан Қорғаныс министрі генерал-полковник Руслан Жақсылықовпен кездесті. Бұл туралы Sarbaz.kz тілшісі ұйымның ресми сайтына сілтеме жасап хабарлайды.
Кездесуде ұжымдық әскери құрамдас бөлікті дамыту, сондай-ақ сын-қатерлер мен қауіп-қатерлерге бірлесіп қарсы тұру мәселелерін қозғайтын тақырыптардың кең ауқымы талқыланды.
Тараптар осы жылдың маусым айында Қорғаныс министрлері кеңесінің және ұйымның Қауіпсіздік кеңестері хатшылары комитетінің отырыстарын өткізуге байланысты мәселелерге баса назар аудара отырып, Қазақстанның ҰҚШҰ-ға төрағалық етуі шеңберінде жоспарланған алдағы іс-шаралар бойынша пікір алмасты.