Бүгінде әскерилердің әлеуметтік жағдайы өзекті мәселелердің бірі болып тұр
Фотоколлаж: Нұрсұлтан Жорабаев
Әскери салада жұмыс істейтіндер арасында тұрғын үй төлемі тоқтайды деген ақпарат желдей есіп тұр. Atameken Business телеарнасының «Түскі формат» бағдарламасында осы мәселе көтеріліп, TikTok желісінде үзіндісі жарияланды. Әлеуметтік желіде пікір жазған әскери қызметкер тұрғын үй төлемі тоқтаса, еңбек өтіліне қарамастан жұмысынан кететінін айтты, деп хабарлайды Sarbaz.kz.
«Тұрғын үй төлемі тоқтаса, бірден жұмыстан кетемін, еңбек өтілім 18 жыл болса да. 210 мың теңге үшін жұмыс істеудің өзі күлкілі. Армиядан кететіндер көп болады», - деп жазды TikTok желісінің қолданушысы Жасұлан Әлімбайұлы.
Айта кетейік, осыған дейін Қорғаныс министрінің бірінші орынбасары – Қарулы Күштер Бас штабының бастығы Сұлтан Қамалетдинов Парламент Мәжілісінде 2020 жылға дейін қолданыста болған әлеуметтік кепілдікті қайтаруды ұсынған.