Ресей әскері Одессаға 10 дрон ұшырды
Фото: Vlada Liberova/Libkos/ Getty Images
Өткен түнде ресейлік дрон Украинаның әуе шабуылына қарсы қорғаныс жүйесін бұзып, Одессаның Қара теңіз портындағы коммерциялық аймаққа соққы берді, нәтижесінде бірнеше адам қаза тапты. Бұл туралы Sarbaz.kz тілшісі BBC агенттігіне сілтеме жасап хабарлайды.
Әуе шабуылынан бастапқыда бір адам қаза болғаны хабарланған. Бірақ үйінділердің арасынан тағы екі адамның денесі табылды. Осылайша үш адам қаза тапты, деп мәлімдеді Украина Қарулы Күштерінің Оңтүстік қолбасшылығы.
Әуе қорғанысы күштері тоғыз дронды құлатып үлгерді, бірақ біреуі порттың жанындағы аймаққа соққы бере алды. Салдарынан өрт болды.
Өртенген ғимараттан күзетші әйел аман-есен құтқарылды, делінген хабарламада.
Әскерилер шабуыл кезінде зымырандар да қолданылғанын, бірақ олар зиян келтірмегенін айтты.