Оған мемлекетке опасыздық жасау бойынша қылмыстық іс қозғалды
Фото: Известия
Ресейдің федералды қауіпсіздік қызметі Екатеринбургте АҚШ азаматтығы бар әйелдің ұсталғанын мәлімдеді. Мемлекетке опасыздық жасау туралы іс қозғалды. Бұл туралы Sarbaz.kz тілшісі BBC агенттігіне сілтеме жасап хабарлайды.
«Екатеринбургте Ресей мен Америка Құрама Штаттарының қос азаматтығы бар, Лос-Анджелес қаласының 33 жастағы тұрғынының еліміздің қауіпсіздігіне қарсы бағытталған іс-шараларға қаржылық көмек көрсетуге қатысы бар заңсыз әрекеттері тоқтатылды», - делінген хабарламада.
Әйелге мемлекетке опасыздық жасау туралы қылмыстық іс (Ресей Федерациясының Қылмыстық кодексінің 275-бабы) қозғалды. Сот оны тергеу изоляторына жіберу туралы шешім қабылдады.
Ресейдің барлау қызметінің мәлімдеуінше, 2022 жылдың ақпанынан бастап, яғни Ресейдің Украинаға қарсы соғысы басталғаннан бері күдікті «украиналық ұйымдардың бірінің мүддесі үшін ақша жинауға бастамашылық етті». Ол Украинаның қарулы күштері үшін «тактикалық медицина, құрал-жабдықтар, оқ-дәрілер» сатып алуға бағытталған.
Сондай-ақ, ұсталған әйел АҚШ-та Украинаны қолдау үшін бірнеше акцияға қатысқаны үшін айыпталды.
BBC мәліметі бойынша, Украинаны соғыста қолдады деген күдіктілерді ұстау ісі Ресейде үнемі болып тұрады, олардың басым бөлігіне мемлекетке опасыздық жасады деген айып тағылады.