Олардың 20-сында жеке басын куәландыратын құжаты болмаған
Фото: Polisia.kz
Алматыда заңсыз жұмыс істеп жүрген 35 шетелдік анықталды. Бұл туралы Sarbaz.kz тілшісі Polisia.kz-ке сілтеме жасап хабарлайды.
Кезекті рейд барысында қалалық көші-қон қызметінің қызметкерлері заңсыз келушілер көп шоғырланған жерлерді тексерді.
Бостандық ауданында заңсыз жұмыс істеп жүрген 35 шетелдік анықталды. Олардың 20-сының жеке басын куәландыратын құжаттары болмағандықтан, ПД-ның қабылдап-таратуына орналастырылды.
Ал Әуезов ауданында қонақүй кешендері тексерілді. Ол жерде интимдік қызмет көрсететін 5 шетелдік әйел анықталды. Олар – Орталық Азия елдерінің азаматтары. Шешім қабылдау үшін іс материалдары сотқа жіберілетін болады.