Ол жуырда Ресей президенті Владимир Путиннен сұхбат алған
Фото: РИА Новости
Украина Ресейді тіпті, Батыс елдерінің қолдауымен де жеңе алмайды. Бұл туралы америкалық журналист Такер Карлсон АҚШ сенаторы Джеймс Дэвид Вэнспен сұхбат барысында мәлім етті, деп хабарлайды Sarbaz.kz.
«Украина Ресейге қарсы соғыста жеңіске жете алмайды. Украина әскері Батыс елдерінің жүздеген миллиард долларлық қолдауымен де, Ресей әскерін елдің шығысындағы аймақтардан ығыстырып шығара алмайды», - деді ол.
Сонымен бірге, Такер Карлсон өз сөзінде Киевті қолдау тоқтамайтын болса, майдан даласында қаза болатын украиналықтар саны артып қана қоймай, Батыс елдерінің экономикасы одан әрі құлдырайтынын атап өтті.
Айта кетейік, Такер Карлсон жуырда Ресей президенті Владимир Путиннен сұхбат алған. Сұхбатта Ресей президенті Украинаның отарлануы, Батыспен диалог, Польша мен Латвияға әскер жіберу туралы жоспарын айтқан болатын.