Апат орнынан 4 адамның мәйіті табылды
Фото: ҚР ТЖМ
«Қазселденқорғау» мемлекеттік мекеме мамандары Алматыдағы көшкіннің басты себебін анықтады. Бұл туралы Sarbaz.kz аталмыш мекеменің баспасөз қызметіне сілтеме жасап хабарлайды.
«8 ақпан түнгі сағат 02:20-да тау баурайының орта бөлігіне тартылған суық су құбырының жарылуы салдарынан топырақ ылғалданған. Кейін Алматы қаласы, Медеу ауданындағы Олимпийская көшесінде орналасқан «Тау-Самалы» ықшамауданындағы №3А және №3 жеке тұрғын үйлерді лай көшкіні басып қалды», - деп хабарлады «Қазселденқорғау» баспасөз қызметі.
Мекеме мамандарының айтуынша, жылжыманың көлемі – 3 200 текше метр. Бұл аймақтағы еңістің тіктігі шамамен – 45-50 градус.
Айта кетейік, 8 ақпан күні Медеу ауданының «Тау Самалы» шағын ауданында лай көшкіні болып, екі үйді басып қалды. Апат орнынан 4 адамның мәйіті табылды.