Үш айда 22 мың ғимарат жермен-жексен болды
Фото: Mohammed Salem/REUTERS
Газа секторында 2-4 ақпан күндері кем дегенде 234 палестиналық қаза тауып, 343-і жарақат алды. Бұл мәліметтерді БҰҰ-ның гуманитарлық істерді үйлестіру басқармасы жариялады, деп хабарлайды Sarbaz.kz тілшісі ТАСС агенттігіне сілтеме жасап.
Басқарма таратқан хабарламада 3 ақпан күні 107 адам қаза тауып, 165 палестиналық жараланғаны, ал 4 ақпанда 127 қаза тапқаны 178 адам жараланғаны айтылған.
Осыған дейін Палестина анклавының денсаулық сақтау министрлігі Израиль күштерінің Газа секторының әртүрлі аймақтарын бомбалауы мен атқылауы нәтижесінде қаза тапқандардың жалпы саны 27,4 мыңға жақындағанын, тағы 66,6 мыңнан астам адам жараланғанын хабарлаған.
Айта кетейік, осыған дейін Біріккен Ұлттар Ұйымы Газа секторында үш айда 22 мың ғимарат жермен-жексен болғанын хабарлаған болатын.