Ол 2019 жылы Қытайда ұлттық қауіпсіздікке қатер төндірді деген күдікпен ұсталған
Фото: YANG HENGJUN/TWITTER
Қытайда сотталған аустралиялық жазушы Ян Хенжун өлім жазасына кесілді. Бұл туралы Аустралияның сыртқы істер министрі Пенни Вонг X әлеуметтік желісінде мәлімдеді, деп хабарлайды Sarbaz.kz.
«Аустралия үкіметі ел азаматы Ян Хэнцзюннің бүгін Бейжіңде өлім жазасына кесілгеніне таң қалды», - деп жазды ол.
Дегенмен, жазушы алдағы екі жылда ауыр қылмыс жасамаса, өлім жазасы өмір бойына бас бостандығынан айыру жазасына ауыстырылады.
ABC телеарнасының хабарлауынша, Қытайдың Канберрадағы елшісі Аустралия сыртқы істер министрлігіне түсініктеме алу үшін шақырылған.
Айта кетейік, Хэнджун Қытайда дүниеге келген және Аустралия азаматтығына ие. 2019 жылы қамауға алынғанға дейін ол Нью-Йоркте жұмыс істеген. Ол Гуанчжоу әуежайында ұсталып, оған тыңшылық жасады деген айып тағылды. Қытай билігі бұл іс туралы толық мәлімет жарияламай отыр.
Ал жазушы өзіне тағылған айыптарды жоққа шығарды. Ян Хэнцзюннің отбасы қамауға алынғаннан бері денсаулығы нашарлағанын айтып, Қытай билігін айыптап отыр.
BBC мәліметі бойынша жазушы Қытай билігін адам құқықтарын бұзды деп бірнеше мәрте сынаған. Оның тыңшылық бағыттағы бірнеше романы бар.
«Қытай үкіметі оны адам құқықтарының бұзылуын сынағаны, сол сияқты адам құқығы, демократия және заң үстемдігі сияқты жалпыадамзаттық құндылықтарды қорғағаны үшін жазалап отыр», - деді оның досы, Сиднейде тұратын академик Фэн Чонги.
