Грекия әскерінде кеңес заманынан қалған «Тор», «Оса», «С-300», ЗУ-23-2 және т.б. әуе шабуылына қарсы қорғаныс жүйелері бар
Фото: Militarnyi
Греция АҚШ-тың F-35 жойғыштарын сатып алу туралы келісім жасап жатыр. Ал өзінде бар, яғни КСРО заманынан қалған қаруын Украинаға жібермек. Бұл туралы Sarbaz.kz тілшісі Kathimerini басылымына сілтеме жасап хабарлайды.
«Грекияның саяси және әскери басшылығы енді қолданбайтын, ескірген техникаларын Украинаға жіберу туралы нұсқаулар берді», - делінген мақалада.
Аталмыш басылым Украинаға қандай қару-жарақ жіберілетіні әзірге белгісіз екенін жазды. Алайда, Грекия әскерінде кеңес заманынан қалған «Тор», «Оса», «С-300», ЗУ-23-2 және т.б. әуе шабуылына қарсы қорғаныс жүйелері бар екені белгілі.
Дереккөздің хабарлауынша, жақында АҚШ билігі F-35 жойғыш ұшағының 40 данасын Грекияға 8,6 млрд долларға сатуға келісім берген. Осыдан кейін АҚШ-тың Мемлекеттік хатшысы Энтони Блинкен Афинаға ресми хат жіберіп, Грекия қолданбайтын, кеңестік техниканы Украинаға жіберу үшін 200 миллион доллар ұсынды.