Сарбаздың хаты жарияланды
«Астана» өңірлік қолбасшылығы әскерлеріне қарасты 06708 әскери бөлімінде борышын өтеп жүрген сарбаз Мұса Ислам анасына хат жолдады, деп хабарлайды Sarbaz.kz.
«Амансыз ба, анашым! Жағдайларыңыз қалай? Ауырмай жүрсіз бе? Қарындасым, інілерім ше? Жылдың көктемінде әскер қатарына шақырылсам да сіздерді қатты сағынып кеттім. Приозерск қаласында борышымды өтесем де күннің ызғар аязы бар. Бірақ тәуліктік кезекшілік кезінде ызғарына қарамастан қызметімді атқарып жүрмін. Біздің жақ суық шығар.
Қызметім туралы айта кететін болсам, барлығы жақсы. Тағы не жазсам екен?! Бізге жаңа бөлім командирі тағайындалды. Енді міне қоштасуға да болады. Сіздерді сағынып жүрмін. Мені уайымдамаңыздар. Мен үлгі тұтарлық сарбаз болуға уәде беремін! Сәлеммен, ұлдарыңыз Мұса Ислам», - деп жазды сарбаз.