Жер сілкінісінің эпицентрі Қытай аумағында орналасқан
Фото: AP / Irwin Fedriansyah
Жер сілкінісі Қырғызстан мен Қытай шекарасында болды, деп хабарлайды корреспондент Sarbaz.kz.
Жер асты дүмпулері 23 қаңтар күні Астана уақыты бойынша сағат 15:07-де «НЦЭН и И» ЖШС сейсмикалық станциялар желісі арқылы тіркелді.
«Жер сілкінісінің эпицентрі Алматыдан оңтүстік-шығысқа қарай 264 шақырым жерде Қытай аумағында орналасқан. Жер сілкінісінің энергетикалық класы – 11.6. MPV магнитудасы – 4.9», - делінген хабарламада.
Ал Алматыда 2 баллдық жер сілкінісі болды.
Айта кетейік, ҚР ТЖМ мәліметі бойынша өткен түнде Алматыда қуаты 5 балл болатын дүмпулер болған. Қауіпті жер сілкінісі еліміздің үш қаласы мен бес облысында сезілген.