Президент мегаполистегі бірқатар нысанды аралайды
Фото: Ақорда
Мемлекет басшысының алдағы екі күнге жоспары туралы ҚР Президентінің кеңесшісі – Президенттің баспасөз хатшысы Берік Уәли мәлімдеді, деп хабарлайды Sarbaz.kz.
«Мемлекет басшысы Қасым-Жомарт Тоқаев алдын ала жоспарланған жұмыс кестесіне сәйкес 24-25 қаңтар күндері Алматыға барады.
Президент мегаполистегі бірқатар нысанды аралайды. Соның ішінде Қаңтар оқиғасынан кейін күрделі жөндеуден өткен әкімдік ғимаратына барып, қаладағы жағдайға байланысты жиын өткізеді», — деп жазды Берік Уәли желідегі парақшасына.