Бұл қаржы қандай мақсатта жұмсалатыны айтылды
Фото: Қорғаныс министрлігі
Қорғаныс министрі Руслан Жақсылықов Парламент палаталарының бірлескен отырысынан кейін БАҚ өкілдерінің сауалына жауап бере отырып, БҰҰ-ның бітімгерлік миссиясына жіберілетін тұңғыш дербес контингентке бюджеттен қанша ақша жұмсалатынын айтты, деп хабарлайды Sarbaz.kz.
«Бұл ақшаның бәрі бюджетке салынған. Айта кететіні бюджетке қару-жарақты, техниканы тасымалдауға қосымша қаржы салынды. Шамамен 8 млн доллардай жұмсалады. Бір жыл бойында әр әскери жауынгер ай сайын 1 мың доллар алып отырады», - деді Руслан Жақсылықов БАҚ өкілдерінің сұрағына берген жауабында.
Айта кетейік, осыған дейін қазақстандық бітімгерлердің Таяу Шығысқа жіберіліп, ол жақта қандай міндеттер жүктелетінін айтқан болатын.