Макрон SCALP зымырандары мен жүздеген бомба жеткізілетінін айтты
Фото: AFP
Франция президенті Эммануэль Макрон ақпан айында Украинаға барып, екі жақты қауіпсіздік кепілдігі туралы келісімге қол қоятынын айтты. Оған сәйкес Париж заманауи қару-жарақ, оның ішінде алыс қашықтықтағы қанатты зымырандар жеткізеді. Бұл туралы Sarbaz.kz тілшісі Reuters-ке сілтеме жасап хабарлайды.
Макрон алдағы апталарда 40-қа жуық алыс қашықтықтағы SCALP зымырандары мен жүздеген бомба жеткізілетінін айтты.
«Біз әлдеқайда көп қару-жарақ жеткізіп, Украина аспанын қауіптен қорғау үшін көмектесеміз. Ақпан айында Украинаға барып, осы мәселені аяқтаймын», – деді Макрон баспасөз мәслихатында.
Франция қазірдің өзінде 50-ге жуық SCALP зымыранын жеткізді, олардың ауқымы шамамен 250 км құрайды. Бұл Украинада бар зымырандардан үш есе көп.
Макрон Еуропа алдағы апталарда Украинаны қолдауды күшейтінін және Мәскеудің Украинаны жеңуіне жол бермейтінін айтты.
Францияның дипломатиялық дереккөздері бұл келісім ұзақ мерзімді гуманитарлық көмек, қалпына келтіруді қолдау және әскери көмек аясын көздейтінін хабарлады.
Киев екі жыл бұрын Ресей басып кіргелі бері өзінің одақтастарынан әскери және қаржылық көмек ағындарын сақтауға тырысады.
Ұлыбританияның премьер-министрі Риши Сунак өткен аптада Киевте қауіпсіздік туралы жаңа келісімге қол қойған болатын.