Еліміздің батысы мен оңтүстік-шығысында қарлы боран болса, шығысында қатты аяз түседі
Фото: РИА Новости / Илья Наймушин
«Қазгидромет» РМК синоптиктерінің болжамына сәйкес, алдағы бірнеше күнде еліміздің басым бөлігінде ауа райы нашарлап, қатты аяз түседі, деп хабарлайды Sarbaz.kz.
Синоптиктер болжамы бойынша, Қазақстанның басым бөлігінде антициклон әсерінен күн суытып, қатты аяз болады. Еліміздің батысы мен оңтүстік-шығысында қарлы боран болса, шығысында қатты аяз түседі.
«Антициклон әсерінен Қазақстанның басым бөлігінде аяз болады. Ал елдің батысы мен оңтүстік-шығысында күн құбылмалы, қар аралас жаңбыр жауады, жел мен бұрқасын күшейеді. Аяз, әсіресе, солтүстікте, шығыста және орталықта, түнде 25-33 градусқа дейін аяз болса, күндіз 15-23, оңтүстікте және оңтүстік-шығыста түнде 5-15, күндіз 2-7 градусқа дейін жетеді, ал батыста түнде 8-18, күндіз 3-15 градусқа дейін суық болады», - делінген Қазгидромет таратқан ақпаратта.