Мамандық бойынша даярлау – әрбір оқу кезеңінің басында өткізіледі
Фото: Видеодан скриншот
Қонаев гарнизонының десантшылары мамандық бойынша дайындық кезеңін аяқтады. Бұл туралы Sarbaz.kz Қорғаныс министрлігінің баспасөз қызметіне сілтеме жасап хабарлайды.
Ведомствоның хабарлауынша Десанттық-шабуылдау әскерлері қолбасшылығы басқармасының арнайы комиссиясы жеке құрамның дайындық деңгейін бағалады.
Айта кетейік, мамандық бойынша даярлау – әрбір оқу кезеңінің басында өткізіледі және әскери қызметшілерді жауынгерлік даярлау бағдарламасының негізгі кезеңдерінің бірі болып саналады.
Мамандық бойынша даярлау әскери қызметшілер лауазымдық мақсатына сәйкес оқытудан өтетін сабақтар кешенін қамтиды. Негiзгi мақсат штаттық қару-жарақ пен әскери техниканың функционалдық мiндеттерiн, материалдық бөлiгiн, оларды пайдалану тәртiбiн зерделеу болып саналады.