Израиль ХАМАС жойылғанға дейін соғысуға уәде берді
Фото: Mandel Ngan/AFP
АҚШ-тың мемлекеттік хатшысы Энтони Блинкен Израильге барар алдында Біріккен Араб Әмірліктері мен Сауд Арабиясында келіссөздер жүргізді. Оның барысында мемхатшы Газа аймағындағы соғыс бүкіл аймаққа таралуы мүмкін екенін ескертті, деп Sarbaz.kz тілішсі Reuters-ке сілтеме жасап хабарлайды.
Ал Израиль ХАМАС жойылғанға дейін әскери қимылдарын тоқтатпайтынын хабарлады.
Блинкеннің жексенбіде Иордания мен Катардан басталған Таяу Шығыстағы бес күндік дипломатиялық сапары аймақтағы үлкен соғыстың алдын алуға бағытталған. Осы аптада ол Батыс жағалау мен Египетке баруы керек.
«Мұнда аймақ үшін шиеленіс қатты. Бұл басқа аймаққа жылдам өте салатын жанжал, ал оның қайғы-қасіреті үлкен болуы мүмкін», - деді Блинкен Абу-Дабиге барар алдында Дохада өткен баспасөз мәслихатында.
Блинкен Израиль шенеуніктеріне Газадағы бейбіт тұрғындардың құрбан болуына жол бермеу үшін көп нәрсе жасау өте маңызды екенін және Палестина азаматтарының Газадан кетуіне мәжбүрлемей, үйлеріне оралуына рұқсат беру керек екенін айтты.