Sarbaz.kz

Чехияның қорғаныс министрі Яна Чернохова Германиямен бірлесіп, Leopard 2A8 танктерін сатып алу туралы келіссөздер жүргізіп жатқанын мәлімдеді, деп Sarbaz.kz тілшісі Defence News басылымына сілтеме жасап хабарлайды.

«Жаңа танктерді сатып алу үшін Берлинмен күш біріктіру өндірушіден, әсіресе баға мен жеткізу мерзімі бойынша қиындық болмайды деп үміттенеміз.

Қазіргі уақытта келіссөздер жалғасуда және келесі жылы бәрі шешіледі деп ойлаймыз», - деді Чернохова.

2022 жылы Чехия өзінің Т-72 танктерін Украинанаға жіберген болатын. «Рингтауш» бағдарламасының бір бөлігі ретінде Берлин Чехия қарулы күштеріне жауынгерлік мүмкіндіктерін сақтау үшін Leopard 2A4 танктерін берді.

Өткен шілдеде Чехия министрлігі мәлімдемесінде Прага 77 дана Leopard 2A8 танктерін сатып алуды жоспарлап отырғаны айтылған.

Сонымен қатар, Чернохова C-390 Millenium көлік ұшақтары мен F-35 Lightning II жойғыштарын сатып алу туралы келіссөздер де аяқталуға жақын екенін мәлімдеді.

Келесі жылға әскери сатып алу басымдықтарын талқылай отырып, Чернохова 2024 жылы Embraer-ден екі C-390 Millenium ұшағын сатып алу туралы келісімге қол қоюды жоспарлап отырғанын айтты.

Сонымен қатар, министрдің айтуынша, Чехия әуе күштері үшін F-35 жойғыштарынның 24 данасын сатып алу туралы келісімшарт бірнеше апта ішінде жасалуы керек.

Leopard 2A8 – Leopard 2 танкісінің ең заманауи модификациясы. Басты ерекшелігі – израильдік Trophy белсенді қорғау кешенінің орнатылуы.