Депутаттармен кездесуде Сұлтан Камалетдинов бітімгершілік операцияларда әскерді қолданудың артықшылықтары туралы айтты
Фото: Sarbaz.kz
Депутаттардың сұрақтарына жауап берген Қорғаныс министрінің орынбасары Сұлтан Камалетдинов бітімгершілік күштерді кеңейтудің маңыздылығын түсіндірді, деп хабарлайды Sarbaz.kz.
Вице-министр қазақстандық әскерилердің қажетті жауынгерлік тәжірибе алмасуымен қатар, Қорғаныс министрлігіне БҰҰ тарапынан қаржы бөлінетінін айтты.
Сұлтан Камалетдинов бітімгершілік миссиялар есебінен қайта қарулануға мүмкіндік алған Бангладеш Қарулы күштерін мысалға келтірді.
Қазақстандық бітімгершілік контингентінің (баратын елге тасымалдау, инфрақұрылым және логистика құрылысы т.б.) 10 млн долларлық құнына қарамастан, БҰҰ-дан жыл сайынғы төлемдер 6-7 млн долларға дейін жасалады.
С.Камалетдинов бітімгершілік контингентін кеңейтудің тағы бір дәлелі ретінде стратегиялық оқшаулауды атады:
«Жалпы, бейбіт уақытта Қарулы күштер қандай нысандарға жіберіледі? Стратегиялық тежеу. Біз шеру, жаттығулар өткіземіз. Бұл – шығын. Бірақ әскеріміз аз, территориямыз үлкен болса да, өз міндеттерімізді орындай алатынымызды бәрі білуі үшін бізде техника бар екенін көрсетеміз», - деді Камалетдинов.
Министрдің орынбасары бітімгершілік миссиялар кезінде шетелдік тәжірибені зерттеуді дәлел ретінде келтірді.
Мәселен, Пәкістан армиясымен тығыз ынтымақтастық барысында қазақстандық әскери дәрігерлер сол елдің тәжірибесін зерттеген.