Sarbaz.kz

АҚШ-та Палата өкілдері мен Сенаттың заң шығару мамандары 2024 жылға арналған қорғаныс бюджетінің заң жобасын ұсынды. Бұл заң құрамында Абрамс танктерін жаңарту, Австралияға сүңгуір қайықтар жасау және өзге де жобалар кіреді. Заң жобасының сомасы 874,2 млрд долларды құрады, деп хабарлайды Sarbaz.kz тілшісі BreakingDefence-ке сілтеме жасап.

Енді Өкілдер палатасы мен Сенаттың бірлесіп жазған заң жобасы жүзеге асуы үшін конгрестің екі палатасы да заңның бірдей нұсқаларын бөлек қабылдауы керек. Содан кейін ол президент Джо Байденге қол қоюға жіберіледі.

Егер заң жобасы өзгеріссіз қабылданса, бұл жобаның кейбір маңызды тұжырымдары төмендегідей болмақ:

АҚШ Әскери-теңіз флоты:

Әскери-теңіз күштері үшін заң жобасында ең көп талқыланған мәселелердің бірі – Америка Құрама Штаттары, Ұлыбритания және Австралия арасындағы үш жақты қауіпсіздікке қатысты ережелер. Жаңа заң жобасы қорғаныс министрлігіне «Вирджиния» класындағы үш сүңгуір қайықты беруге мүмкіндік береді.

АҚШ құрлықтағы әскері:

Ұсынылған заң жобасы қорғаныс бағдарламаларын айтарлықтай сақтайды және бірнеше негізгі бағдарламаға қосымша қаражат жұмсауға рұқсат береді.

Мысалы, келесі қаржы жылында M1 Abrams танктерінің паркін жаңартуға 1,2 миллиард долларға дейін жұмсауға рұқсат береді, бұл мәлімделген 698 миллион доллардан айтарлықтай асып түседі.

Сондай-ақ артиллерияны дамытуға, жаңа тікұшақтарды сатып алуға жұмсалатын шығындарды арттыруды көздейді.

АҚШ Әскери-әуе күштері:

Қаржы жобасында ондаған A-10 шабуылдаушы ұшақты, F-15 және F-16 жойғыш ұшақтарды қызметтен шығару және жаңа техникамен алмастыру көзделген.

Жыл сайынғы қорғаныс бюджеті туралы заң жобасы АҚШ Сенатының Израиль мен Украинаға көмек көрсетуін тоқтатып тастаған соң жарияланды. Бұл Президентке қатты соққы болды, ол дауыс беру алдында «Америкада біздің барлық достарымыздың ұлттық мүддесі мен халықаралық мүддесі қолдау таппай отыр» деп мәлімдеді.