БҰҰ Гайана мен Венесуэла арасындағы шекарадағы шиеленісті талқылау үшін жабық жиын өткізді
Фото: armyrecognition.com
АҚШ-тың оңтүстік қолбасшылығы 7 желтоқсан күні Гайана қорғаныс күштерімен бірлескен жаттығулар өткізді, деп хабарлайды Sarbaz.kz тілшісі Army Recognition басылымына сілтеме жасап.
Жақында Гайана бір ғасырдан астам уақыт бойы бақылауында болған, бірақ Венесуэламен арадағы мұнайға бай, бірақ даулы аймақ Эссекибо бойынша шекара араздығы күшейе түсті.
Гайана территориясының шамамен үштен екісін қамтитын Эссекибо төңірегіндегі ұзаққа созылған дау 2015 жылы ExxonMobil компаниясы мұнайды тапқаннан бері шиеленісе түсті.
Бейсенбіде Венесуэланың Қорғаныс министрі Владимир Падрино Лопес АҚШ-Гайана әскери ұшу жаттығуларын «арандатушылық» деп айыптады.
«Америка Құрама Штаттарының бұл сәтсіз арандатуы... Гайанадағы ExxonMobil компаниясының бұл қадамы дұрыс емес. Біз Эссекибоны қалпына келтіру жөніндегі жоспарымызды өзгертпейміз», - деді ол X парақшасында.
Гаагадағы БҰҰ Халықаралық сотында аймақ бойынша шекара қалай белгіленуі керек екені туралы сот процесі жүріп жатыр.
Біріккен Ұлттар Ұйымының Қауіпсіздік Кеңесі жұма күні ресми кестеге сәйкес Гайана мен Венесуэла арасындағы шекарадағы шиеленісті талқылау үшін жабық жиын өткізді.
Сейсенбіде Гайана Қарулы Күштері жауынгерлік дайындыққа алынды.
Сәрсенбіде бортында жеті адамы бар Гайана армиясының тікұшағы шекараға жақын жерде жоғалып кетті деп хабарланды, бірақ Гайана Қорғаныс министрлігінің өкілі бұған Венесуэланың қатысы бар екені туралы нақты ақпарат жоқ деп мәлімдеді.