Қарулы күштердің тарихын зерттеу, әскери ғылым мен әскери өнерді дамыту мәселелері қаралды
Фото: Қорғаныс министрлігі
ҚР Қарулы күштерінің Мемлекеттік әскери-тарихи музейінде Қазақстан әскери тарихының өзекті мәселелері бойынша жыл сайынғы ғылыми-практикалық конференция өтті. Бұл туралы Sarbaz.kz Қорғаныс министрлігінің баспасөз қызметіне сілтеме жасап хабарлайды.
Онда Қарулы күштердің тарихын зерттеу, әскери ғылым мен әскери өнерді дамыту мәселелері қаралды. Сондай-ақ мұражай қорларын жинақтау, музей қағидаттарына және тарихи материалдарды беру құралдарына назар аударылды.
Мемлекеттік әскери-тарихи музейдің бастығы Әлжан Ләззат конференция еліміздің әскери тарихының жаңа беттерін ашуға ерекше үлес қосатынына және өскелең ұрпақтың әскери-патриоттық тәрбиесін дамытуға қызмет ететініне сенім білдірді.
Конференция аясында шетелдік және қазақстандық ғалымдардың, әскери тарих, әскери медицина, археология, этнография, мұрағаттану және музейтану саласындағы зерттеушілердің 50-ден астам жұмыстары жиналды.