inDrive
Бұл туралы Цифрлық даму, инновациялар және аэроғарыш өнеркәсібі министрі Бағдат Мусин мәлімдеді, деп хабарлайды Sarbaz.kz
inDrive компаниясының негізін қалаушы әрі директоры, әлемдегі ірі инвестордың бірі Арсен Томский Қазақстан азаматы атанды. Арсен өзі ғана келіп қоймай, біздің елге талантты мамандар тартып, жаңа технологиялар мен идеялар алып келді, - деп жазды Мусин.
Томскийдің айтуынша, Қазақстан оның екінші үйіне айналған.
Мен Қазақстан азаматтығын алдым. Сенім білдіріп, шақырғаны үшін елдің басшылығына алғысымды білдіремін. Ал бүкіл Қазақстан мен халқына inDrive екінші үйі болғаны үшін рахмет. Цифрлық даму, инновациялар және аэроғарыш министрі Бағдат Мусинге ерекше алғыс. Ол inDrive компаниясын қорғап, Қазақстанға оны бейімдеуге барынша көмектесті», - дейді ол.
Айта кетейік, inDrive сервисі Қазақстанда 2014 жылғы желтоқсаннан бастап жұмыс істейді. Ол жолаушылар тасымалы қызметімен айналысады.