Оңтүстік Кореяның Бас штаб төрағасы күтпеген шабуылдарға дайын болуға шақырды
Біріккен штаб бастықтарының төрағасы адмирал Ким Мён Су 30 қарашада Солтүстік Кореяның арандатушылықтарына қарсы әскери дайындықты күшейтуге шақырды, деп хабарлайды Sarbaz.kz тілішісі Yonhap-қа сілтеме жасап.
Адмирал Ким Мён Су. Дереккөз: Yonhap
29 қараша күні қызметке кіріскеннен бергі алғашқы инспекциясында Ким екі Кореяны бөлетін демилитаризацияланған аймақтағы алдыңғы қатарлы бөлімшелерге барды. Пхеньян 2018 жылғы кореяаралық әскери шиеленісті азайту туралы келісімді тоқтатқаннан кейін шекара аймағына әскери күштер мен қару-жарақтарын орналастырды.
Ким әскерлерді кез-келген ықтимал шабуылдарға қарсы тұру үшін Солтүстік Кореяның қозғалысын мұқият қадағалап отыруға және арандатқан жағдайда «жедел және шешуші» жауап қайтаруға шақырды.
Солтүстік Корея 2018 жылғы келісімге сәйкес тоқтатылған барлық әскери шараларды қолға алуға уәде бергеннен кейін Оңтүстік Корея күзет бекеттерін қалпына келтірді және ауыр қаруды демилитаризацияланған аймаққа орналастырмақ.
21 қарашада солтүстікте тыңшы спутниктің ұшырылуына наразылық ретінде Оңтүстік Корея шекарадағы бақылауды қайта бастады.