Мәміле шарттары бойынша, төрт күн ішінде Израиль 150 палестиналық тұтқынды, ал ХАМАС 50 тұтқынды босатады
Фото ашық көздерден алынды
Израильдің түрме қызметі жұма күні ХАМАС тобымен жасалған келісім аясында 39 палестиналық тұтқынды босатуға дайындықты бастады, деп хабарлайды Sarbaz.kz Haaretz газетіне сілтеме жасап.
«Жұма күні босатылады деп болжанған палестиналық тұтқындар «Офер» түрмесінен Иордан өзенінің батыс жағалауындағы «Бейтуния» бақылау бекетіне көшіріледі. Онда олар босатылып, сол жерден үйлеріне қайтады», - деп жазды Haaretz газеті түрме қызметінің мәлімдемесінен үзінді келтіріп.
Мәміле шарттары бойынша, Таяу Шығыс БАҚ-тары хабарлағандай, әскери қимылдарын тоқтату режимінің төрт күнінде Израиль түрмелерінен 150 палестиналық тұтқынды, яғни әйелдер мен кәмелетке толмаған балаларды шығарады. ХАМАС өз кезегінде Газа секторындағы 237 кепілге алынған тұтқынның ішінен 50 әйел мен баланы босатады.