pixabay.com
Астанада балалар арасында қызылша ауруы кеңінен тарап жатыр. Қалалық санитария қызметі ескерту жасады, деп хабарлайды Sarbaz.kz.
Астана қаласының мемлекеттік санитария қызметінің мәліметіне сенсек, 511 адамнан қызылша табылған.
Оның ішінде 17,4 пайызы — ересектер, 14 адам — 15-19 жастағы жасөспірімдер, қалған 408 науқас — 14 жасқа дейінгі балалар.
Ақпаратта айтылғандай, қызылша көбіне 4 жасқа дейінгі балалар арасында тіркеліп жатыр.
Қызылшамен ауырғандардың тек 4,5 пайызы — екпе алғандар. Қалғаны вакцинадан бас тартқан.
«Ұлттық профилактикалық күнтізбеге сәйкес қызылшаға қарсы екпе егу жылына 2 рет жүргізіледі. Науқан 1-6 жастағы балалар арасында өтеді. Қызылша — өте жұқпалы ауру. Ұжымда, мектепте, мектепке дейінгі ұйымдар мен ЖОО-да вакцина алмағандар арасында тез таралуы мүмкін», — деді Астана қаласының бас мемлекеттік санитар дәрігері Сархат Бейсенова Астана қалалық коммуникациялар қызметі алаңында өткен баспасөз мәслихатында.
Оның айтуынша, елордада қызылшаның таралу жағдайы тұрақсыз.