Алдағы үш күнге арналған ауа райы болжамы жарияланды
Фото ашық дереккөзден
Қазақстан аумағы арқылы Атлантикалық циклон өтетін болады. Осыған байланысты ауа райы құбылмалы болады, деп хабарлайды Sarbaz.kz.
Синоптиктердің хабарлауынша республиканың солтүстігінде, солтүстік-батысында, орталығында және шығысында жауын-шашын жаңбыр мен қар түрінде болады, шығыста қатты жауын-шашын, көктайғақ, желдің күшеюі болжанады.
«4 қараша күні циклонның соңынан батыстан антициклон жылжиды, сол себептен түстен кейін жауын-шашынның біртіндеп тоқтауы және температураның төмендеуі күтіледі.
Ауа температурасы түнде еліміздің солтүстігінде, шығысында және орталығында 3-15 аязға дейін, күндіз 3 аяз-8 жылы, оңтүстік және оңтүстік-шығыста түнгі уақытта 2 аяз - 5 жылы, таулы аймақтарда 5-10 аяз, күндіз 5-15 жылыға дейін төмендейді. Қазақстан бойынша түнгі және таңертеңгі сағаттарда тұман болады деп болжанып отыр», - делінген «Қазгидромет» РМК хабарламасында.