АҚШ билігінің өкілі зымырандарды Йемендік хусит көтерілісшілері ұшырғанын айтты
Фото: Yoruk Isik/Reuters/File
АҚШ Әскери-теңіз күштерінің жойғышы USS Carney бейсенбіде Йемен жағалауында бірнеше зымыранды жойды, деп хабарлайды Sarbaz.kz тілшісі CNN-ге сілтеме жасап.
«Таяу Шығыстағы АҚШ Әскери-теңіз күштерінің кемесі бейсенбіде Йемен жағалауында бірнеше зымыранды ұстап алды. Бұл туралы АҚШ билігінің екі өкілі CNN-ге айтты», - деп хабарлады телеарна.
Дереккөздердің бірі эсминец екі-үш зымыранды атып түсіргенін мәлім етті. Биліктің тағы бір өкілі зымырандарды Йемендік хусит көтерілісшілері ұшырғанын айтты. Алайда олар жойғышты нысанаға алды ма, әлде басқа жаққа соққы бергісі келді ме, белгісіз.
Сәрсенбіде жойғыш Суэц каналы арқылы өтіп, Қызыл теңізге кірген.
Оған дейін Таяу Шығыстағы жағдайдың күшеюіне байланысты АҚШ-тың Сирия мен Ирактағы әскерлері ұшқышсыз ұшу аппараттарын пайдаланып, бірнеше рет соққыға жығылған.
7 қазан күні Газа секторында орналасқан ХАМАС Израильдің оңтүстігіне қанды шабуыл жасады. Бұған жауап ретінде Израиль қорғаныс Армиясы ХАМАС-қа қарсы соғыс жариялады. Бейсенбіде Израиль Қорғаныс министрі Йоав Галант Израиль әскерлері көп ұзамай Газа секторына кіре алатынын мәлімдеді.
Айта кетейік, соғыс басталғаннан бері 3,5 мыңнан аса палестиналық қаза тапты.