Михаил Подоляк Путиннің қақтығысты реттеу туралы шартында «нақты бейбітшілік ұсынысы» жоқ деп мәлімдеді
Фото: Anna Voitenko / Reuters
Украина Президенті Кеңсесі Басшысының кеңесшісі Михаил Подоляк Ресей Федерациясының президенті Владимир Путиннің қақтығысты реттеу туралы шартында «нақты бейбітшілік ұсынысы» жоқ деп мәлімдеді, деп хабарлайды Sarbaz.kz тілшісі ТАСС агенттігіне сілтеме жасап.
«Бұл жерде жаңа ештеңе, нақты бейбіт ұсыныс жоқ», – деп жазды ол өзінің Х парақшасында (бұрынғы Twitter).
Подоляк сонымен қатар Киевтің блоктан тыс мәртебені қабылдауы, Ресей Федерациясының бейбіт ұсыныстары бойынша, «Украинаны қорғансыз қалдырады» деп мәлімдеді. Ол сондай-ақ бейбіт бастаманың басқа компоненттерін де жоққа шығарды.
Бұған дейін Ресей Федерациясының президенті Владимир Путин Ресей Украинадағы қақтығысты реттеу туралы жаңа шартқойғанын жазған болатынбыз. Путин Қырым, КХДР, ЛНР, Херсон және Запорожье облыстарын Ресей аймақтары мәртебесі деп тануды, Украинаның блоктан тыс және ядролық қарусыз мәртебесін бекітуді, оны демилитаризациялауды және деназификациялауды, Ресейге қарсы санкциялардың күшін жоюды ұсынды. Сонымен қатар келіссөздерді бастау үшін шартта Украина өз күштерін ДХР, ЛХР, Херсон және Запорожье облыстарының аумағынан шығаруы керектігі айтылған.