Ол елдің солтүстік-шығысындағы өзінің туған қаласы Мешхедте жерленді
Фото: EPA-EFE/REX/SHUTTERSTOCK
Жерлеу рәсімі қарсаңында Иранның екінші үлкен қаласы Мешхедте марқұм президенттің үлкен фотосуреттері, сондай-ақ қара жалаулар мен исламдық діни рәміздер ілінді, деп хабарлайды Sarbaz.kz тілшісі ВВС агенттігіне сілтеме жасап.
Раисиден басқа, Әзербайжан шекарасына жақын елдің солтүстік-батысындағы таулы жерлерде тікұшақ апатынан тағы жеті адам қаза тапты, оның ішінде Иран СІМ басшысы Хоссейн Амир-Абдоллахиан да бар.
Елде қаза тапқандарды еске алу үшін бес күндік аза тұту жарияланды.
Бір күн бұрын Иранда қаза тапқандармен қоштасу рәсімдері өтті, оған көптеген адам жиналды.
Бейсенбі күні таңертең Раисидің денесі бар табыт Мешхедке жеткізілмес бұрын, президенттің мүрдесі кортежбен Бирдженд қаласының көшелерімен айналып өтіп жеткізілді, онда мыңдаған адам президентпен қоштасуға шықты.
Президенттің денесі XIII ғасырдағы Алтын бас сәулет кешені - имам Реза кесенесіне қойылды, оны шииттік ағымдағы мұсылмандар имам Әли әл-Резаның орны ретінде құрметтейді. Дәл осы қорымның айналасында халық саны бойынша Иранның екінші үлкен қаласы орналасқан.
Бұған дейін Иран халқы 63 жастағы Раисиді елдің жоғарғы көшбасшысы 85 жастағы Әли Хаменеидің мұрагері болуы мүмкін деп санаған болатын.
Иранның жаңа президентін сайлау 28 маусымға жоспарланған. Оған дейін Мемлекет басшысының міндеттерін елдің бірінші вице-президенті Мұхаммед Мохбер уақытша атқаратын болады.