Еуропалық саясаткерлер екі сағат бойы экономика, жұмыс орындарын құру, қорғаныс, қауіпсіздік, климат, қоршаған орта, демократия, көшбасшылық, көші-қон, сондай-ақ инновация және технология мәселелерін талқылады
Фото:euronews
Брюссельдегі Еуропарламентте Еурокомиссия басшысы лауазымына бес үміткер арасында пікірталас өтті. Бұл туралы Sarbaz.kz тілшісі euronews агенттігіне сілтеме жасап хабарлайды
Тікелей эфирге қатысқандар:
- Урсула фон дер Ляйен (Еуропа халық партиясы)
- Николас Шмидт (Люксембург, «Еуропалық социалистер партиясы»)
- Терри Рейнтке (Германия, «Еуропалық жасылдар»)
- Сандро Госи (Италия, «Еуропаны жаңарт»)
- Вальтер Байер (Аустрия, «Европалық солшылдар»).
Еуропалық саясаткерлер екі сағат бойы экономика, жұмыс орындарын құру, қорғаныс, қауіпсіздік, климат, қоршаған орта, демократия, көшбасшылық, көші-қон, сондай-ақ инновация және технология мәселелерін талқылады.
Еуропарламенттің пленарлық залындағы көрермендер, сондай-ақ ЕО-ға мүше елдердің студияларынан пікірсайысты тамашалаған ЕО тұрғындары сұрақтар қойды. Бұдан бөлек, кандидаттарға «Көпшілік назарында» бөлімінде сайлаушыларға бір минуттық үндеу жасау мүмкіндігі берілді.