Вашингтон ресейлік екі заңды тұлға мен онымен байланысты үш фирманы КХДР-дан қару-жарақ жеткізді деп айыптады
Фото: report
АҚШ Қаржы министрлігі КХДР-дан Ресейге қару-жарақ жеткізуге қатысы бар деп санаған Ресей Федерациясының екі азаматы мен үш ресейлік компанияға қарсы санкциялар енгізді. Бұл туралы АҚШ Қаржы министрлігінің ресми сайтында жарияланды, деп хабарлайды Sarbaz.kz тілшісі.
Вашингтонның салқыны бұл жолы Рафаэль Казарян мен онымен байланысты «Транс капитал» және «Рафорт» фирмаларына, сондай-ақ Алексей Буднев пен оған тиесілі «Технология» компаниясына тиді.
АҚШ қаржы министрлігінің мәліметінше, Газарян Ресей шенеуніктері мен Словакия азаматы Ашот Мкртычев арасында делдал болған, ол Пхеньянмен Мәскеуге қару-жарақ сатып алу туралы келіссөздер жүргізген. Газарян «Транс капитал» компаниясын мәмілелер жасау үшін пайдаланған. Мкртычев АҚШ-тың санкциялар тізіміне 2023 жылдың наурызында енгізілген. Ал Буднев Ресейге РФ армиясының қажеттіліктері үшін Солтүстік Кореяда өндірілген әскери байланыс құралдарын жеткізуге көмектескен.