Бұл туралы Париждің 16-округінің мэриясы және округ депутаттары ұсынды
Фото: Christophe Ena / AP
Париждің 16-округінің мэриясы Алексей Навальныйды еске алу үшін көшелердің бірін оның есімімен атау туралы ұсыныс жасады. Ол ұсынған көшеде Ресей елшілігі орналасқан. Бұл туралы қалалық әкімдіктің ресми Х аккаунтында жарияланды, деп хабарлайды Sarbaz.kz тілшісі.
Хабарламада көшелердің бірін қайта атау туралы ұсыныстың бірауыздан қабылданғаны туралы айтылады.
«16-округте 16 ақпанда түрмеде қайтыс болған бостандық пен сыбайлас жемқорлыққа қарсы күрескер Алексей Навальный құрметіне... Ұсынысты 16-округтің мэрі Франсис Спинер (Francis Szpiner) шығарды», – делінген хабарламада.
Қалалық әкімдіктің хабарламасында көшенің атауы айтылмаса да, Ресей елшілігінің жанындағы көшелердің біріне Навальный есімін беру туралы осындай ұсынысты округ депутаттарының тобы да ұсынған.
Олар Алексей Навальныйдың есіміндегі көше Париждегі Ресей елшілігінен ондаған метр қашықтықта орналасқан Ланн бульварындағы және одан әрі жаяу жүргенде қиылысатын қазіргі Шантмес даңғылы (Avenue Chantmesse) болуы мүмкін екенін хабарлады. Саясаткер қайтыс болғаннан кейін бұл жерде стихиялық мемориал пайда болған.
Бұл туралы депутаттардың бірі Жюли Буайо (Julie Boillot) өзінің әлеуметтік желідегі аккаунтында жариялады.
Навальный есімі бар тақтайшаны қашан көруге болады?
Францияда көшелердің немесе қоғамдық ғимараттардың атауын өзгерту муниципалдық кеңестің құзырына кіреді. Сондықтан жолға немесе қоғамдық орынға атау беру кезінде ол туралы талқыланады. Алайда мұндай шешімді қайта қарау құқығы мэрдің де, әкімшілік судьялардың да өкілеттігінде. Әдетте, таңдалған атау «муниципалитеттің имиджін бұзбауы» немесе «адамдардың сезімдерін қорламауы» керек, сонымен қатар қоғамдық тәртіпті бұзбауы керек.
Дегенмен Францияда қоғамдық орынның атауы үшін есімі қолданылатын қоғам қайраткерінің мұрагерінен немесе ұрпағынан кеңес алуды яки рұқсат сұрауды талап ететін заңнамалық, нормативтік ережелер жоқ.
Көшелердің немесе қоғамдық орындардың атын өзгертпес бұрын, жергілікті француз билігі шешім қабылдағанға дейін қандай да бір жолмен халықпен кеңесуді жөн көреді. Соған қарамастан, заң бойынша тұрғындардың да, сондай-ақ префект (Францияда Үкіметтік жоғарғы шенеунік) немесе префекттің орынбасарының да пікірі де орынды саналады. Тталқылау нәтижелері жарияланғаннан кейін 2 ай ішіндезаңмен белгіленген мерзімге ие бола отырып, жаңа атау әкімшілік соттарда қарастырылады.