Мұндай міндеттемені АҚШ, Ұлыбритания және Франция өз мойнына алған
Фото: roskomsvoboda.org
Вашингтон Қытай мен Ресейді ядролық қаруды қолдану туралы шешім қабылдағанға дейін жасанды интеллектке жол бермеуге міндеттеме алуға шақырды. АҚШ Мемлекеттік қаруды бақылау департаменті бюросы басшысының орынбасары Пол Дин онлайн-брифингте Америка Құрама Штаттары ядролық қаруды толық бақылауды адам жүзеге асыруы керек деген «айқын әрі нақты» міндеттеме алғанын мәлімдеді, деп хабарлайды Sarbaz.kz тілшісі.
«Біз ядролық қаруды қолдану туралы шешімді ешқашан жасанды интеллектке бермейміз», – деді ол.
Оның айтуынша, Франция мен Ұлыбритания да осындай міндеттеме алды.
Мемлекеттік департаменттің өкілі қытай мен Ресейді солардан үлгі алуға шақырды.
«Біз Қытай мен Ресей Федерациясы да осындай мәлімдеме жасаса, қуанатын боламыз, – деді Дин.
Ядролық қаруды жасанды интеллекттің бақылауын қамтамасыз етпеу туралы міндеттемені «жауапкершіліктің өте маңызды нормасы» деп атаған ол Қытай мен Ресей БҰҰ Қауіпсіздік Кеңесінің тұрақты мүшелерінің қатарына кіретіндіктен, осындай шешім құпталатынын мәлімдеді.