Sarbaz.kz

Франция президенті Эммануэль Макронның айтуынша, Ресей Париж Олимпиадасына зымияндық жасау үшін жалған ақпарат науқанын жүргізуде. Бұл туралы Sarbaz.kz тілшісі ВВС агенттігіне сілтеме жасап хабарлайды.

ВВС агенттігінің Париждегі тілшісі Хью Скофилдтің мәліметінше, «су спортының жаңа Олимпиадалық орталығының инаугурациясы кезінде Ресей ойындарды өткізуге кедергі жасағысы келе ме?» деген журналистердің сұрағына Макрон:

«Сөзсіз, оның ішінде ақпараттық алаңда», - деп жауап берді. «Күн сайын (Ресей) біздің мұны істей алмайтынымыз туралы қауесет таратады, сондықтан иә, (ойындарға) қауіп төнеді».

ХОК ресейлік спортшыларға 2024 жылғы Жазғы Олимпиада ойындарына рұқсат бергенімен, олар бейтарап күйде – жалаусыз және әнұрансыз өнер көрсетеді.

Сонымен қатар оларға қосымша талаптар қойылады: спортшылардың өздері де, олардың жаттықтырушылар штабының мүшелері де Ресейдің Украинаға басып кіруіне белсенді қолдау көрсетпеуі керек.

Бұл шешім жеке сапада өнер көрсететін Беларусь спортшыларына да қатысты.

Бұған дейін ресейлік спортшыларға Олимпиадада өнер көрсетуге тыйым салынды. Тыйым Ресей мен Беларусьтің ресми атынан қатысатын командалар үшін күшінде қалады.

Француз билігі жақында Ресей қауесет пен жалған ақпарат тарату үшін жалған әлеуметтік медиа аккаунттарын пайдаланып, үгіт-насихат қысымын күшейткенін мәлімдеді.

Бұған дейін Макронның Украинадағы соғысқа қатысты ұстанымын қатаңдатпақ болды. Ол Киевке көмектесу үшін француз әскерлерін жіберу мүмкіндігін жоққа шығармайды.

Сондай-ақ Эммануэль Макрон сәрсенбіде Француз Қорғаныс министрі Себастьян Лекорну мен Ресей Қорғаныс министрі Сергей Шойгу арасында болған сирек телефон арқылы сөйлесуге түсініктеме берді.

Макронның айтуынша, қоңыраудың себебі Франция алған құпия ақпарат болды, бұл Ресей тарапына «Крокус Сити холлға» шабуыл ұйымдастырушылары туралы көбірек білуге көмектеседі.

Лекорню осы әңгіменің қорытындысы бойынша өзінің ресейлік әріптесіне Францияның Ресейдің шабуылды Киевпен байланыстыру әрекеттерімен айналысып жатқандығы туралы айтып, бұл туралы ешқандай дәлел мен дәйектің жоқ екенін жеткізді.

Француз министрінің айтуынша, Шойгу:

«Террористік актіні ұйымдастыруда Украина ізі туралы ақпарат бар. Бұл жағдайда оның артында Француз барлау агенттіктері жоқ деп сенеміз», – деді ол.

«Оның артында Франция, оның артында Украина тұр деп айту күлкілі», — деді Макрон Ресей тарапының сөздерін оғаш және қауіпті деп атап. «Бұл бассыздық. Бұл шындыққа сәйкес келмейді, бұл Ресейдің әскери арсеналына кіретін ақпаратты манипуляциялау».

Олимпиадаға тоқталған Макрон алғаш рет биліктің террористік қауіп күшейген жағдайда ойындардың ашылу салтанатына балама жоспарлары бар екенін растады.

Әзірге ашылу 26 шілдеде Сена өзенінде қайықпен өтеді деп жоспарланған. Бұл рәсімді жағадан 300 мыңға жуық көрермен тамашалай алады. Алайда сарапшылар мұндай үлкен іс-шараның қауіпсіздігін қамтамасыз ету өте қиын болатынын ескертеді.

«Біз дайын боламыз», - деді Макрон. «Біз бірнеше сценариймен жұмыс істеп жатырмыз. Егер қауіп төнсе, егер жағдай қажет деп санасақ, бізде резервтік нұсқалар бар».